Жапондықтарда 2 алтын, 3 күміс, 1 қола; қытайлықтарда 1 алтын, 1 күміс, 1 қола медаль бар. Одан кейінгі орында 1 күміс, 1 қоламен Корея және 1 қоламен Моңғолия құрамалары келе жатыр.
Қазақстандықтар сапынан әзірге биатлонда 7,5 шақырымдық спринтте Елена Хрусталева (күміс), тау шаңғысымен жылдам құлдилаудан Дмитрий Кошкин алтын, Игорь Закурдаев, Людмила Федотова күміс, Кения Строилова қола, шаңғы жарысынан классикалық спринтте Алексей Полтаранин алтын, Елена Коломина, Николай Шеботько күміс, Оксана Яцкая қола, шаңғымен бағдарлауда спринтте Ольга Новикова, Михаил Сорокин алтын, Александр Бабенко күміс, Евгения Кузмина қола, фристайлде могулден Юлия Галышева, Дмитрий Рейхерд алтын, шаңғымен тұғырдан секіруден Николай Карпенко қола жүлдені қанжығаларына байлады.
