"Біз футболдан 2012 жылғы Еуропа чемпионатының іріктеу матчындағы 3 маусымда өтетін Қазақстан мен Әзірбайжан арасындағы ойынға бас демеуші боламыз. Әлеуметтік жауапкершілігін сезіне отырып компания бокс пен теннис спорттарына да демеушілік жасап жүр", — дейді "Sat&Company" АҚ-ның тау-кен металлургиясы департаменгтінің директоры Жеңісхан Хамитов.
Оның айтуынша, шетелдік жаңа бас бапкер тізгінін ұстаған ұлттық құрама биылғы Белорус құрамасымен өткізген алғашқы жолдастық кездесуін сәтті өткізді. Қазақстан футбол федерациясымен арадағы ынтымақтастық аяқдопшылардың жаңа жеңістеріне өз септігін тигізетін болады.
