Онда Шымкенттің «ОҚМУ-Қазығұрт» командасы ұпай қорын 54-ке жеткізіп, турнир кестесіндегі көшбасшылықты өз қолына берік ұстай түсті. Олар бұл турнирде жарыс қожайындарының «Есіл-Викториясына» ғана 1:3 есебімен есе жіберген болатын. Қазір Оралдың «Жайық-Конденсатында» — 45, Астананың «Ұшқын-Искрасында» — 39, Павлодарлық «Ертіс» мен Қызылжардың «Есіл-Викториясында» — 38 ұпай бар. Өз алаңында сәтті өнер көрсеткен «Есіл-Виктоия» өз көрсеткішін айтарлықтай жақсартты. Олар бұл сайыста тек павлодарлықтардың (1:3) ғана осал тұсын таба алмады. Ал «ЦСКА-Алматы» (16), «Атырау-2» (14) және тағы бір алматылық команда — «ҚазНАУ» (8) көш соңында келеді. Ел чемпионатының келесі туры енді 18-26 наурызда Шымкентте өтеді.
