Оған 10 команда қатысты. Онда ел намысын Алексей Сидоренко мен Александр Дьяченко және Дмитрий Яковлев пен Алексей Кулешов жұптары қорғады. Олар бұл байрақты бәсекеде үздік шығып, 1-2 орынды өзара бөлісті. Бұған дейін қазақстандық жағажай волейболшылары 2-4 наурыз күндері осы аралда өткен Құрлықаралық кубоктың 1-субаймақтық турнирінде бақ сынаған болатын. Ауғанстан, Иран және Қазақстан командалары арасындағы бұл дүбірлі додада Қазақстан құрамасы 2-орын алып, жарыс қожайындарымен бірге жарыстың келесі кезеңіне жолдама алды. Жалпы, бұл байрақты бәсеке 2012 жылғы Олимпиада ойындарының іріктеу турнирі саналады.
