ШҚО-да кеніште жарылыс болды, екі адам зардап шекті

Шығыс Қазақстан облысы Алтай кентінде «Қазақмыс Корпорациясына» тиесілі Белоусов тау-кен байыту комбинатының Ертіс кенішінде бұрғылау жұмыстарын жүргізу кезінде жарылыс болды.

ҚР Төтенше жағдайлар министрлігінен мәлім еткендей, оқиға сәрсенбі күні кешқұрым №1209 блогында болды. 21 және 33 жастағы екі жұмысшы жарақаттанып, олар ауруханаға жеткізілді.