Қазақстандық теннисші Хорватиядағы ITF турнирінің ширек финалында өнер көрсетуде

Әйелдер арасындағы бұл дүбірлі доданың жүлде қоры 25 мың АҚШ долларын құрайды. Бүкіләлемдік теннис қауымдастығының рейтингінде 294-ші сатыда тұрған Галина алғашқы айналымда румыниялық Елена Богданды (6:4, 6:3), екінші айналымда венгриялық Каталин Маросиді (6:1, 6:1) жеңген болатын. Енді ширек сында ол словакиялық Лена Юрикова мен словениялық Настя Колар арасындағы матчтың жеңімпазымен кездеспек.