Қазақстандық жағажай волейболшылары Ресейдің ашық чемпионатына қатысты

Мамырдың 7-9 күндері жағажай волейболынан Анапа қаласында Ресейдің ашық чемпионаты өтті. ҚР Волейбол федерациясының баспасөз қызметі таратқан хабарламада оған Қазақстаннан 2 команда қатысқаны айтылған.

«Волей град» кортында болған бұл байрақты бәсекеде Александр Дьяченко мен Алексей Сидоренко — 6, ал Александр Бабичев пен Антон Пилипюк — 24 орынға табан тіреді. А. Дьяченко мен А. Сидоренконың жұбы ширек финалда кейін Ресей чемпионы атанған Ярослав Кошкарев пен Дмитрий Барсукқа ғана есе жіберді.