ҚР Теннис федерациясы таратқан хабарламаға қарағанда, олар кеше алғашқы айналымда латвиялық және американдық дуэт Лига Декмейере мен Меган Моултон-Левиден 6:2, 5:7, 10:5 есебімен басым түсті. Галина мен Андреаның келесі қарсыласы американдық Лизел Хубер — Лизой Раймонд және Ирина Фалькони мен Коко Вандевеге жұбтарының жеңімпазы болмақ.
Халықаралық теннис қауымдастығының «Премьер» дәрежесіндегі бұл дүбірлі дода мамырдың 14-і күні басталған болатын. Жүлде қоры 618 мың АҚШ долларын құрайтын бәсеке 22 мамырға дейуін созылады. Онда Г. Воскобоева жекелей сында алғашқы кезеңде бельгиялық Валери Верхаммды 6:0, 2:6, 6:2 есебімен, ал 2-кезеңде ұлыбританиялық Анна Кетхавонгты 6:3, 6:0 есебімен ұтқан еді.
