Еркемен әңгімелескен блогер Эльвира Ерғалина желідегі парақшасында сұхбатын жариялады, деп жазады Stan.kz.
Ерке Есмахан Жаңа жылдан соң көптеген жаңалықтар болатынын айтып өтті. Айтуынша, өзі Алматыдан Астанаға көшпек.
“Мен өзім Ақтөбенің қызы болғандықтан, сол жаққа жақын болайын деп Астанаға көшкелі жүрмін. Бұйырса, биыл көптеген өзгерістер болады деген ойдамын. Өзімнің жеке кәсібімді ашам деген жоспарым да бар”, – дейді әнші.
Ерке өзін Астанаған әлдебір шенеуніктің көшіріп әкеткелі жатқаны туралы айтылып жатқан сыбысқа жауап берді.
“Ешқандай шенеунік мені көшіріп әкеткелі жүрген жоқ. Солай болса жақсы болар еді. Қайта басы бос жігіттер болса, мен қарсы емеспін”, – деп әнші өзінің басы бос екенін айтып кетті.
