Авраам Руссо Жігер Ауыпбаевқа дуэт айтуға ұсыныс жасады

Жуырда Жігер отандық арнадағы ән жобасына қатысып, ресейлік әнші Авраам Руссоның “Далеко-далеко” әнін орындаған еді.

Әнді орындау барысынан видео жүктеген Жігер: “Авраам аға, сізбен дуэт айтсам бола ма?” – деп жазған болатын. 

Бір қызығы, Жігердің бұл жазбасына Авраам Руссо жауап берген.

“Бірге ән айту үшін сізден ұсыныс түсуі керек және ол үшін ең алдымен көмекшім Сергейге хабарласыңыз”, – деп жазған Авраам Руссо.

Сүйікті әншісінен мұндай ұсыныс түсетінін Жігердің өзі күтпесе керек-ті.

“Күтпеген жерден сүйікті әншімнен дәл осындай пікір аламын деп ойламадым. Өте қуаныштымын. Мен үшін сізбен бір саxнада ән айту арманымның бөлшегі. Өнеріңізді құрметтеймін”, – дейді Жігер.