Айсәуле Жаңа жыл кешін отбасымен бірге қарсы алатынын айтқан, деп хабарлайды Stan.kz.
«Өкінішке қарай, толық құрамда болмаса да биылғы Жаңа жылды отбасыммен бірге қарсы алу мүмкіндігіне ие болғаныма қуаныштымын. Ата-анам ортақ келісімге келді, сол себепті 2017 жылы менің сүйікті адамым-әкеммен болған жағдай өзгереді деп үміттенемін. Сосын осындай ерекше күні ата-анамның екеуімен де бірге боламын деп сенемін. Мейлі, бір үйде болмаса да…» – деп жазды Айсәуле.
Одан кейін Есентаеваның тұңғыш қызы отандық дизайнерден алған сәнді көйлегі мен сүйіктісін көрсетті.
Жағымсыз пікірлерден қашса керек, Айсәуле сүйіктісімен сүйісіп тұрған суретіне қалдырылған пікірлерді толықтай өшіріп тастаған.
Соған қарамастан, желі оқырмандары Айсәуле Бақытбекті тым ашық көйлегі үшін сынап тастады. Көпшілік Айсәулеге жабықтау киінуге кеңес берді.
