Нұрболат Дербісов, облыстық ТЖД басшысының орынбасары:
— Бүгінгі күннің бірнеше ерекшелігі бар. Біріншіден, көктемнің алғашқы күні. Екіншіден,Алғыс айту күні. Бұл еліміздегі татулық пен ел бірлігін жаңа деңгейге көтеретін ерекше мереке. Ең бастысы – Азаматтық қорғаныс күні. Сондықтан бірнеше мейрамды біріктіріп, осылайша, Табиғат-анаға үлес қосқымыз келді. Дәл осындай игі шара департаментке қарасты барлық аудан-қалалардағы тіпті ауылдағы бөлімшелерімізде жалғасып жатыр. Оған қоса, биыл ауа райы қолайлы болды. Сондықтан өңірімізде әзірге табиғаттан төнер қауіп жоқ. Дәл осындай тазалық жұмыстары мен ағаш отырғызу өңіріміздің барлық аудан-қалаларында жалғасын тауып жатыр. Шымкенттің маңындағы жасыл аймаққа ағаш, ал көше бойына қызылды-жасылды көздің жауын алатын гүлдер егіліп жатыр. Бұл шырайлы қаламыздың көркін ашып қана қоймай, көпшіліктің таза ауамен тыныстауына да мүмкіндік бермек.
