Жарияланды: 970

Альварестің бапкері Головкинді жеңу жолын айтты

Альварестің бапкері Головкинді жеңу жолын айтты

Мексикалық Сауль "Канело" Альварестің бапкері Хосе Рейносо қазақстандық боксшы Геннадий Головкинді жеңудің жолын айтты

Бұл туралы Tengrinews.kz vRINGe.com-ға сілтеме жасап хабарлайды. 

"Головкин дәл солай өнер көрсетеді, ол өзгерістер енгізбейді. Соған қарамастан біз барлық жағдайды ескеріп, дайындаламыз. Головкинді жеңудің жолы - "Канелоның" физикалық тұрғыдан басымдылыққа ие болуы, ол дайын болады. 

Қыркүйекте төрешілердің шығарған шешімі ешкімге де ұнаған жоқ - көрермен де, боксшылардың командаларына да. Осы жағдай ыңғайсыздық туғызды. Әрбір фанат өзі жанкүйерлік ететін боксшысының жеңетінін алға тартады. Сол себепті де көп созбай екінші жекпе-жек өткізу ұйымдастырғалы жатыр. Барлығы да бақытты", - деді Рейносо ESPN Deportes басылымына берген сұхбатында. 

Рематч 5 мамырға белгіленген, алайда қай жерде болатыны белгісіз. Жекпе-жек Лас-Вегас немесе Нью-Йорк қаласында өтуі мүмкін.

Еске сала кетейік, Головкин мен Альварес бірінші рет 2017 жылы 16 қыркүйекте Лас-Вегаста кездескен еді. Жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды.
 

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть