Онда отандасымыздың соңғы қарсыласы Райан Барнеттің жарақаты көрсетілген екен. Сол үшін де британдық боксшы жекпе-жектен кейін допинг сынақтан өтпеген. Осы орайда Vesti.kz құжаттың кейбір бөлігін жариялап отыр.
Жеңіл салмақта WBA және IBF белбеулерін біріктірген жекпе-жек 21 қазан күні Барнеттің туған қаласы Белфестте өткен болатын. 12 раундтың қорытындысы бойынша төрешілер жеңісті британдық боксшыға берді. Осылайша Барнетт IBF белбеуін сәтті қорғап, Жақияновтың WBA (Super) белбеуіне ие болды.
Жекпе-жектен кейін екі боксшы да міндеттелген допинг сынақтан өтуі керек болатын. Жақиянов сынаманы тапсырса, Барнетт келмеген. Оған себеп британдық боксшының емханаға кетуі болған. Осы жағдайға байланысты Жақияновтың командасы WBA және IBF ұйымдарына шағым білдірді. Бірақ бұл шағымды ешкім де қарастырмады.
"IBF 7 қараша күні промоутер Эдди Хирннан медициналық хат алды. Онда Райан Барнеттің иығынан жарақат алғаны, 2018 жылдың ақпан айына дейін жекпе-жек өткізе алмайтыны жазылған. Британдық боксшы шамамен 2018 жылдың 21 ақпанында ғана шаршы алаңға қайта оралады деп жоспарланып отыр.
Бірақ бұл хатта Барнеттің Жақияновпен өткен кездесуден кейін не үшін допинг сынақтан өтпегені айтылмаған. Дегенмен де қазірдің өзінде Барнеттке болашақ қарсыласын анықтап жатыр. Бұл дегеніміз, британдық боксшы соңғы кездесуі үшін ешқандай жазаға тартылмайды деген сөз.
Медициналық сараптама Кеңестің директорларының талқысынан өтеді. Дегенмен де IBF жуық арадаға Барнеттке тиесілі белбеудің міндетті қарсыласын жариялайды", — делінген құжатты.
