Бір қызығы осы жазғы демалыстың бітуіне бір апта қалғанын ескерсек, мыңдаған оқушы 1 қыркүйекте білім ордаларына кіре алмауы мүмкін. Мәселен, Ақмола облысындағы 2, Павлодардағы 2, Қарағандыдағы 1 мектепте жөндеу жұмыстары әлі аяқталмаған. Оның үстіне оқулық жайы әлі түбегейлі шешілмепті. Бұған облыс әкімдіктері жауапты деген министр кітап сатып алуға 8 миллиард 300 млн теңге бөлініп қойғанын мәлімдеді. Сөз соңында Сәрінжіпов 1 қыркүйекте университет табалдырығын алғаш аттайтын студенттерді қуантып қойды. Еліміздің бас мұғалімі оқу ақысын қымбаттатпауға уәде берді.
Аслан Сәрінжіпов, ҚР Білім және ғылым министрі:
-Биыл мемлекеттік жоғарғы оқу орындарында оқу ақысы көтерілмейді. Ол мемлекеттік грант бағасымен бірдей. Әрі грант құнында өзгеріс жоқ. Осылайша, сапалы білім алудың барлығына бірдей қолжетімді болуына күш салып жатырмыз.
