Жарияланды: 480

2003-жылдың бірінші жартысында Алматы бюджетіне 95 млрд. теңгенің салық және түсімдері жиналып, бұл жөніндегі болжам 4 процентке артығымен орындалды

2003-жылдың бірінші жартысында Алматы бюджетіне 95 млрд. теңгенің салық және түсімдері жиналып, бұл жөніндегі болжам 4 процентке артығымен орындалды. Бұл туралы мәліметті бүгін, 24-шілдеде Алматы әкімшілігі коллегиясының кеңейтілген отырысында Алматы әкімшілігі экономикалық комитетінің төрайымы Лариса Васильева хабарлады.

Л.Васильеваның айтуынша, үстіміздегі жылдың 6 айында Алматыда резиденттердің банкке салған депозиттерінің мөлшері 28%-ке өскен. Соның ішінде ұлттық валюта- теңгемен салынған депозиттер 2 есе артты. Қаладағы банктердің шаруашылық субьектілеріне таратқан несиесінің көлемі 638 млрд. теңгені құрап, 2002-жылдың осы мерзімімен салыстырғанда 1,5 есе өсті. Жарты жылдық қорытындысы бойынша тіркелген жұмыссыздық деңгейі экономикалық белсенді тұрғындарға шаққанда 1,5%-ті құрап, өткен жылғы көрсеткіштен азайды. Алматыда жылдық жоспардың 70%-і көлемінде, немесе 7 мың жаңа жұмыс орны құрылды. Сонымен қатар 2003-жылдың басынан бері күнкөріс деңгейінен төменгі мөлшерде кірісі бар 11 мыңнан астам адам атаулы әлеуметтік көмекке ие болып, 8 мың адамға тұрғын үй жәрдемақысы берілді.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть