Жарияланды: 520

2003-жылдың қаңтар-маусым айларында Павлодар облысының сыртқы сауда айналымы 297,1 млн. долларды құрады

2003-жылдың қаңтар-маусым айларында Павлодар облысының сыртқы сауда айналымы 297,1 млн. долларды құрады. Бұл өткен жылғы осы мерзімнен шамамен 8%-ке кем. Бұл туралы облыстық статистикалық басқармасынан хабарлады.

Жылдың бірінші жартысында өткен жылдың осы мерзімімен салыстырғанда экспорттық түсім 14,6%-ке қысқарып 209,4 млн. долларды құрады. Ал импорт көлемі 13,3%-ке артып, 87,7 млн. долларға жетті. Сөйтіп, сыртқы сауда сальдосы 121,7 млн. долларлық оң көрсеткішті құрады. Ал 2002-жылдың осы мерзімінде бұл көрсеткіш 167,8 млн. долларды құраған болатын. Экспорттық өнімдер негізінен ТМД елдеріне жөнелтілді. Жалпы экспорт көлемінің ең жоғары мөлшері, яғни, 76,6%-і Ресей Федерациясының үлесінде. Бұл Ресейдің Алтай аймағы және Омбы облысымен шектесетін Павлодар облысының жағрафиялық орналасуына байланысты болса керек. Ал жалпы экспорт көлемінің 21,2%-і алыс шетелдердің үлесінде. Экспорттық тауарлардың басым бөлігін минералды ресурстар иемденіп, оның 90%-і ТМД елдеріне жіберіледі. Атап айтсақ, "БАК" ЖШС мен "ЕЭК" ААҚ Екібастұз көмірін Ресей Федерациясына экспортқа шығаруда. Ал облысқа шетелдерден әкелінетін өнімнің басым бөлігі, яғни, 63,7%-і Ресей Федерациясынан, 16,3%-і Германиядан, 4%-і Украина, Польша, Беларусь және АҚШ-тан әкелінеді. Жалпы импорт көлемінің 40%-ін машиналар, құрал-жабдықтар мен көлік құралдары иемденуде.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть