"Бізде Қазақстанда бүгінге дейін жүк таситын әуе компания болған емес. Міне, бүгін "Қазақстан темір жолы" ҰК" АҚ пен "Эйр Астана" осындай компанияны құрады. Жаңа компания биыл құрылады. Қазіргі уақытта "Қазақстан темір жолы" ҰК" АҚ осы бағытта жұмыс істейтін серіктесті іздестіріп жатыр. Сондай-ақ, осы компанияны құрып, жұмысты бастау үшін онда екі әуе кемесін тарту жоспарланып отыр", — деді Алик Айдарбаев үкіметте өткен брифинг барысында.
"Компания жүк тасымалы нарығында лайықты орын алады деп болжап отырмыз. Себебі бүгінде жүк тасымалымен тек шетелдік компаниялар айналысады. Стратегия отандық жүк тасымалдау нарығын дамытуға бағытталған. Көлік инфраструктурасына айтарлықтай инвестиция құйылып жатыр. Жолдар, теміржолдар дамып жатқанда логистикалық орталықтарға, тасымалдаумен айналысатын компанияларға да даму керек", — деді ҚР инвестициялар және даму бірінші вице-министрі Алик Айдарбаев
