Жарияланды: 210

33 жастағы әйел ер азаматты аяусыз өлтірді деген күдікпен ұсталды

33 жастағы әйел ер азаматты аяусыз өлтірді деген күдікпен ұсталды

Алматы облысында 33 жастағы әйел азаматтық некедегі жолдасын өлтірді деген күдікпен ұсталып, қамауға алынды.

Оқиға Талғар ауданында болған. 20 желтоқсан күні Туғанбай ауылының маңындағы вагондардың бірінен ер адамның мүрдесі табылған , деп хабарлайды ҚазАқпарат тілшісі.

 Мерт болған  47 жастағы ер азамат  пышақ жарақатын алған. Облыстық ІІД баспасөз қызметінің мәліметінше, күдікті бірнеше сағаттың ішінде қолға түскен.

«Күдікті өзінің түсініктемесінде  азаматтық некедегі жолдасымен бірігіп ішімдік ішкенін айтқан. Екеуі өзара сөзге келіспей, іс насырға шапқан. Сол сәтте күдікті жолдасына  пышақ жарақатын салған. Қазір 33 жастағы әйелдің үстінен ҚР ҚК 99-бабы бойынша іс қозғалды. Тергеу жалғасуда», деп мәлім етті облыстық ІІД баспасөз қызметі.

Күдікті әйел 1984 жылғы. Тұрғылықты мекенжайы Алматы қаласында тіркелген. Жас келіншек өз қылмысын жасырмақ болып ұялы телефонын да жағып жіберген. Алайда бұл айласы іске аспады дейді, полицейлер.

Пікір қалдырыңыз

Пікір қалдыру тіркелген пайдаланушылар ғана мүмкін