Елімізде 5G жоғары желілік интернет облыс орталықтарына төрт жылдан кейін бір-ақ жетеді. Бүгін Цифрлық даму министрі жылдамдығы жоғары ғаламтордың елімізге қалай енгізілетінін айтып берді.
Асқар Жұмағалиевтің айтуынша, 5G алдымен Нұр-Сұлтан, Алматы, Шымкент секілді ірі қалаларда 2021 жылдап бастап пайда болады. Кейін 2023-ші жылы аймақтарға таратыла бастайды. Онда қазір үш мыңнан астам ауыл интернетсіз отыр. Министр оларға ғаламтор тарту үшін спутниктерді пайдаланамыз дейді. Бірақ ауыл-аймаққа 5G енгізгенді қойып, Елорданың кейбір жерінде 4G ұстамайды деп шағымданушылар көп. Бірақ, министр бұл мүмкін емес деп отыр.
Асқар Жұмағалиев, Цифрлық даму, инновациялар және аэроғарыш өнеркәсібінің министрі:
— Мынаны қараңызшы H+ болып тұр.
— Астанадағы ғимаратта 4g ұстамай тұр.
— Қалай ұстаймайды?
— Ұстамайды. Таңертеңнен бері.
— Бәрімізде Н+. Ұстамайды.
— Міне, менде 4g ұстап тұр.
— Сонда сізде ерекше байланыс па?
— Ерекше емес. Ол мүмкін емес.