Атырау облыстық төтенше жағдайлар департаментінің қоғаммен байланыс тобынан мәлім еткендей, балалардың жоғарғы қабаттан құлау дерегі жиі тіркеліп отыр, деп хабарлайды Caravan.kz медиа порталы ҚазАқпарат-қа сілтеме жасап.
«Биылғы жыл басынан бері тұрғын үйлердің жоғарғы кәмелетке толмаған 7 баланың құлағаны туралы дерек тіркелді. Оның ішінде 2 бала мерт болды. Тұрғын үйдің терезесінен құлау дерегінің бірі 18 тамызда Атырау қаласында тіркеліп отыр. Департаменттің диспетчерлік пультіне кешкі сағат 20:15-те М.Әуезов көшесінде орналасқан 5 қабатты тұрғын үйден баланың құлағаны туралы хабар түсті. Ата-анасының қарауынсыз қалған 2 жасар бала 4-қабаттағы терезеден құлап кеткені анықталды», -деп хабарлады департаменттің қоғаммен байланыс тобы.
Құтқарушылар зардап шеккен кішкентай балақайды облыстық балалар ауруханасына жеткізген. Қазір балақайдың жағдайы ауыр деп бағаланып отыр. Әр түрлі жарақат алған бала аурухананың жансақтау бөлімінде жатыр.
«Өткен аптада құтқарушылар төтенше жағдайларды жою үшін 41 шақыртуға барды. Оның 3 өрт, 27 жану дерегі бар. Төтеншеліктер авариялық құтқару жұмыстарына 1 рет іздестіруге 8 мәрте барды», -деп мәлім етті департаменттің қоғаммен байланыс тобынан.
