24.kz арнасының мәліметіне қарағанда, бос жерлерді айналымға енгізу конкурс арқылы жүзеге асуда.
Жыл басынан бері өңірде ауылшаруашылық құрылымдарына 65 мың гектар жер жалға берілген. Бұл жұмыстар әсіресе Казталов ауданында қызу жүруде. Былтыр ауданда 40 мың гектар жер мемлекет меншігіне алынса, биыл бос жатқан 30 мың гектар жердің 12 мың гектары қайтарылды.
— Бәленбай гектар жерді алып, мал өсірмейтін болса, малды асылдандыру бағытындағы түрлендіру бағытындағы мемлекеттік бағдарламаларға қатыспайтын болса, онда біз тиісті шаралар аламыз. Себебі бүгінгі таңда ауданымызға асыл тұқымды мал шаруашылығымен айналысатын, жалпы мал шаруашылығының өндірісімен айналысатын, қызығушылық танытып отырған азаматтар, инвесторлар бар, жоқ емес. Сол бағытта жұмыстар жүргізіп жатырмыз. Оларға міндетті түрде үлкен көлемді жерлер қажет, — дейді Казталов ауданының әкімі Абат Шыныбеков.