Адвокат Абзал Құспан тіл жанашыры Қуат Ахметовке араша түсіп, Қостанай билігіне үндеу жариялады

Бұл туралы Caravan.kz медиа порталы хабарлайды.

Адвокат Youtube желісіндегі арнасына видео жариялап, Қостанай билігіне ескерту жасады.

"Қуат Ахметов биылғы жылдың сәуір айында Қостанайдағы ескерткіштерге шолу жасап, өзінің сыни пікірін Қостанай әкімне жолдап, Youtube желісіне жариялаған болатын. Жергілікті әкімшілік осы сыни пікірден қорытынды шығарудың орнына Қуатқа қарсы материал дайындап, ол материалында әкімшіліктің өкілі Ерлан Қалмақов есімді бауырымыз Қуатты "Ұлтараздығын қоздырды", — деп айыптап отыр. Заңгер ретінде осыған өзімнің пікірімді білдіргім келеді. Қуат өзінің бейнематериалында қетелеспесем Қостанай қаласының саябағында орналасқан Лениннің ескерткішінен бастайды. Ленниің ескерткіші жақсы күтімге алынғаны көрініп тұр шынында да. Айналасы жаңаланып, ештеңе түспеген. Толықтай сүртіліп, тазаланып тұрғаны көрініп тұр. Екінші ескерткішке барады, ол Алаш ардақтысы Бейімбет Майлин атамыздың ескерткіші. Бейімбет Майлин атамыздың ескерткіші адам аярлық. Бүкіл плиткалар түсіп қалған, алба-жұлбасы шығып тұр. "Бейімбет Майлиннің ескерткішін осы жағдайға неге жеткіздіңіздер", — деп Қуат Ахметов әкімшілікке орынды сын айтады. Қазақ елінде қазақ патриоттарыны заң шеңберінде қызмет етіп келе жатыр. Осыны түсінсеңіздер дегім келеді. Егер, заң шеңберінде жұмыс жасап келе жатқан қазақ азаматтарына осылай әртүрлі қысым көрсетіле беретін болса ол заң шеңберінен шығып кететіндігін ескерткім келеді. Сондықтан, ұлт мәселесінде, тіл болсын, ұлттық мәселеде бәріміз біз болайық", — деді Абзал Құспан.