Жарияланды: 300

Air Astanа әуе компаниясының үш қызметкері Төреғалиді ұшаққа заңсыз кіргізгені үшін жазаға тартылды

Air Astanа әуе компаниясының үш қызметкері Төреғалиді ұшаққа заңсыз кіргізгені үшін жазаға тартылды

Азаматтық авиация комитеті Төреғали Төреәлінің Air Astanа әуе компаниясының ұшақ бортына заңсыз кіруіне байланысты жоспардан тыс тексеріс жүргізді. Нәтижесінде Алматы әуежайының үш қызметкері жауапкершілікке тартылды.

Бұл туралы Caravan.kz медиа-порталы Stan.kz-ке сілтеме жасап хабарлайды. 

Авиациялық қауіпсіздік қызметінің үш бірдей инспекторына 20 АЕК (48 100 теңге) көлемінде айыппұл салынды. Олар: Ринат Рахымгереев, Абылай Қырғызбаев пен Шолпан Закирова.

Сондай-ақ, “Эйр Астана” компаниясы, қызмет көрсету бойынша агент Карина Абдурахиповаға 20 АЕК көлемінде айыппұл салынды.

Сондай-ақ, азаматтық авиация комитетінің инспекторлары қауіпсіздік қызметінің басшылығы мен қызметкерлеріне жолаушыларды бортқа кіргізу туралы түсіндіру жұмыстарын жүргізді.

Айта кетейік, Төреғали Төреәлі қыркүйек айының ортасында ұшақ бортына билетсіз өтіп, заңды бұзған болатын. Әнші шетелге жолға шыққан жұбайына көмектеспек болыпты.

Пікір қалдырыңыз

Пікір қалдыру тіркелген пайдаланушылар ғана мүмкін