Бұл туралы Caravan.kz медиа порталы Sputnik.kz-ке сілтеме жасап хабарлайды.
«Ақпан айының ортасында АҚШ президенті Джо Байден 100-ден астам үлкен қашықтыққа ұшатын зымыранды, үлкен көлемде кассеталық оқ-дәріні жеткізуді құпия түрде мақұлдады. Олар наурыз айында Украинаға 300 миллион долларға қару-жарақ жеткізудің бір бөлігі болды», — деп жазылған басылымның америкалық шенеунікке сілтеме жасаған хабарламасында.
Басылымның дереккөзі атап өткендей, АҚШ өткен аптада Украинаға ATACMS зымырандарын жасырын жеткізген және украин әскерлері бұл қаруды бірден қолданған.
Ресей президентінің баспасөз хатшысы Дмитрий Песков Вашингтонның Киевке ATACMS жедел-тактикалық зымырандарын жеткізгені туралы ақпаратқа түсініктеме бере отырып, Ресей өз мақсатына жететінін, бірақ бұл Украинаның өзіне көбірек қиындық әкелетінін айтты.
Сәрсенбіде Пентагон РИА Новости агенттігіне Украина аумағында пайдалану үшін үлкен қашықтыққа ұшатын ATACMS жедел-тактикалық зымырандарының берілгенін растады.
