Бұл туралы Caravan.kz медиа порталы KAZINFORM.KZ-ке сілтеме жасап хабарлайды.
Еліміздің әр өңірінен туристер Алакөлге жазда шомылуға келсе, қыста мұз үстінде отырып балық аулап, демалыстарын сәтті өткізеді. Осы орайда Алакөл ауданының әкімдігі және «Балқаш-Алакөл облысаралық балық шаруашылық бассейні» РМК ұйымдастыруымен тұрғындар арасында «Алакөл — 2024» мұзасты балық аулау турнирі өтті.
Фото: Алакөл ауданы әкімдігі
Турнирге Алматы, Абай облыстарынан және Жетісу өңірінен 50-ден астам балықшы қатысты.
Фото: Алакөл ауданы әкімдігі
Жарыс қорытындысы бойынша 1 орынды Қалибек Ерсін иеленді. Ал 2 орынды Оксана Филоновна қанжығалады. Тиісінше 3-ші тұғырдан Ярослав Иванов көрінді. Сонымен қатар, «Ең бірінші балық ұстаған балықшы» номинациясын Жәнібек Смағұлов ұтып алды.
Фото: Алакөл ауданы әкімдігі
Ауланған балықтардың ең ірісі 500 грамды құрады.
Жеңімпаздарға арнайы диплом мен тұрмыстық бағалы сыйлықтар табысталды.
