Әкім Бақытжан Сағынтаев алматылықтардың саны 5 миллионға жетуін қалайды, деп хабарлайды Stan.kz ақпарат агенттігі.
Бақытжан Сағынтаев Алматыны экономикасы 36 миллиард долларлық Орталық Азиядағы ең дамыған мегаполис деп атады.
Бүгін қаржыгерлер форумында сөз алған әкім Қазақстандағы ең ірі салық төлеуші компаниялардың үштен бірі, 30-дан астам трансұлттық кәсіпорындар, банктердің штаб-пәтерлерінің 90% Алматы қаласында орналасқанына назар аударды.
Сағынтаевтың еліміздегі ең үлкен қала туралы үлкен жоспарлары бар: мысалы, алматылықтардың өмір сүру сапасын едәуір жақсартуды және олардың санын 5 миллионға жеткізуді жоспарлап отыр.
"Біз өмір сүру сапасы мен экономикалық мүмкіндіктері жағынан 100 мегаполиске кіру және жаһандық қала болу туралы ұзақмерзімді, өршіл міндет қойдық. Алматының халқы және қала маңындағы жерлермен бірге бүгінде 3 миллионға жуық адам болса, 2030 жылға қарай ол 5 миллионға жетуі мүмкін", — деді Алматы қаласының әкімі.
