Жарияланды: 70

Алматы әуежайында дүкен тонаған ерлі-зайыпты ұсталды

Алматы әуежайында дүкен тонаған ерлі-зайыпты ұсталды

Тәртіпсіздіктер кезінде Алматы әуежайындағы дүкеннен ұрланған тауарлар кәсіпкерге қайтарылды.

Бұл туралы Caravan.kz медиа-порталы Tengrinews.kz-қа сілтеме жасап хабарлайды.

5-6 қаңтарда Алматыда болған тәртіпсіздіктер барысында қарақшылар халықаралық әуежайды басып алды. Осы ғимаратта орналасқан сауда нүктелері зардап шекті. Соның ішінде "Француз үйі" дүкенінен 17 миллион теңгеден аса сомаға тауар ұрланды.

Полицейлер дүкен тонаған жұпты анықтап, ұстады. Олар ұрланған тауарды үйде ұстап, кейінірек сатуды жоспарлаған. Алынған заттай дәлелдемелер 1,5 миллион теңгеге бағаланады. Сотқа дейінгі тергеу амалдары жүргізіліп жатыр.

35 жастағы ер адам уақытша ұстау изоляторына қамалды. Ал оның 33 жастағы азаматтық некедегі жұбайынан кәмелетке толмаған екі баласы болуына байланысты ешқайда кетпеу туралы қолхат алынды.

Дүкен директоры Алматы әуежайындағы Полиция департаменті пен желілік полиция бөлімі қызметкерлеріне алғыс білдірді.

Пікір қалдырыңыз

Пікір қалдыру тіркелген пайдаланушылар ғана мүмкін