Жарияланды: 6700

Алматы облысында молдамен жыныстық қатынасқа түскен әйел өз-өзіне қол жұмсаған

Алматы облысында молдамен жыныстық қатынасқа түскен әйел өз-өзіне қол жұмсаған

Жұбайының айтуынша марқұм әйел мәжбүрлі түрде зина жасаған. 

Бұл туралы әлеуметтік желіге Алматы облысы Ескелді ауданы Қайнарлы ауылының тұрғыны Есхат Әйнекбекұлы президентке видео жолдап, жария етті деп хабарлайды Caravan.kz медиа-порталы.

"Қазақстан Республикасының президенті Қасым-Жомарт Тоқаев мырзаға, Ішкі істер министрі Ерлан Тұрғымбаевқа, ҚР Бас прокуроры Ғизат Нұрдаулет мырзаға! Мен Алматы облысы, Ескелді ауданына қарасты Қайнарлы ауылының тұрғынымын. Есім-сойым - Есхат Әйнекбекұлы. Сіздерге хат жолдап отырған себебім,  2019 жылдың 26 сәуірінде менің жарым Нұрғиза Азатханқызы ауыл молдасы Қадыр Әмбиеұлының мәжбүрлі түрде жыныстық қатынасқа тартып, түрлі айуандық әрекеттер жасағанына шыдамай, өз-өзіне қол жұмсауы. Заңда шектеу қойылған әрекеттерге барып, үш баламды жетім қалдыруға себепкер болған Қадір Әмбиеұлына тиісті жаза қолдануларыңызды сұраймын", - дейді Есхат Әйнебекұлы.

Видеода әлдебір ер адамның белгісіз әйелге айтып жатқан сөздері де жазылып қалған. Онда ер адам ұнатып қалғанын және айтқанын орындамаса өлтіретінін айтқан. 

Сондай-ақ видеода белгісіз әйелдің күйеуі  Есхатты алдап жүре алматынын айтып жалынғанын дауысын естуге болады.

 

Пікір қалдырыңыз

Пікір қалдыру тіркелген пайдаланушылар ғана мүмкін