Жылдамдық сүйгіш салықшы оңтүстік астананың көшесімен жүйткіп келе жатып, жолдан өтіп бара жатқан 4 жасар қыз бен оның аяғы ауыр анасын қағып кетті. Ауыр жараланған жүкті ана мен бүлдіршін қазір ауруханада жатыр. Ал оқиға орнынан бой тасаламақ болған Бақыт Құрмашевті куәгерлер ұстап алып, тәртіп сақшыларын шақыртқан. Полицейлер келе салысымен, салық басқармасының басшысы, қызметтік куәлігін көрсетіп, жауапкершіліктен сытылып кетуге әрекет етіпті. Оның үстіне Құрмашевтің ауызынан арақ иісі мүңкіп тұрған дейді куәгерлер.