Ішкі істер департаментінің ақпараттарына сүйенсек, 4-қарашада 11.50 кезекші бөліміне Боралдай аулындағы жөндеу-механикалық зауытында атыс болғандығы туралы хабар келіп түскен. Оқиға болған жерге Іле АІІБ мен облыстық ішкі істер департаментінің жедел топтары барған.
«Атыс зауыттың күзетшілерінің арасында болған. Полицейлер күзетшілерден тегіс оқпанды қару, газбен жансыздандыратын тапаншалар тәркілеген. Зардап шеккендер ауруханаға жеткізілді»,- деп хабарлады облыстың ішкі істер департаменті бастығының орынбасары Асқар Оспанов.
Оның айтуынша, кәсіпорында бірнеше жылдан бері «зауыттың директорлары С. Герасимов пен В. Мешковтың арасында» мүліктік дау туындаған. Осы даудың салдары кәсіпорын күзетшілерінің арасындағы атысқа әкеп соқтырып отыр.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті