Алматы облысының Қарасай ауданында сел салдарынан көпірлер қирады

Алматы облысының Қарасай ауданында 2003-жылдың 9-шілдесінде 19 сағат 05 минутта Құмбел өзенінің оң жақ жағалауының опырылып кетуі салдарынан биіктігі 5 метр, секундына 100 текше метрлік қуатты сел тасқыны пайда болды. Бұл туралы KZ-today тілшісіне ҚР төтенше жағдайлар жөніндегі Агенттігінен хабарлады.

Агенттік мәліметтеріне сүйенсек, сел салдарынан Құмбел өзенінің сағасындағы көпірлер қирады. Зардап шеккендер жоқ. 9.07.2003ж. 22 сағаттындағы жағдаймен Құмбел өзеніндегі су көлемі секундына 1,5-2 текше метрді құрады.