Алматыда 4 қабатты үйден өрт шықты

Алматыда 4 қабатты үйден өрт шықты. Бұл туралы қалалық ТЖД баспасөз хатшысы Сандуғаш Баймұхамбетова хабарлады.

Оның айтуынша, Әуезов ауданындағы №2 үйдің 4-қабатындағы пәтер өртенген.

Қызыл жалын үш бөлмелі пәтердің ішіндегі тұрмыстық заттарды, жиһаздарды зақымдаған. Өрт 15 шаршы метр жерді шарпыды.

Аталған үйден 20 адам, оның ішінде 6 бала қауіпсіз жерге көшірілді.

Өрт сөндірушілер 15 минуттың ішінде тілсіз жауды ауыздықтады.