Отырыс “Қазақстанның ашықтықты арттыру мен сыбайлас жемқорлықпен күрестегі ілгерілеушіліктері” тақырыбына арналады.
Жиынға Елбасы Нұрсұлтан Назарбаев пен Еуропалық қайта құру және даму банкінің президенті Жан Лемьер қатысады. Онда салалық министрліктер мен мекемелердің жетекшілері мен ірі шетелдік инвесторлар сөз сөйлейді деп күтілуде.
ҚР президентінің жанындағы шетелдік инвесторлар кеңесі 1998-жылы құрылған. Консультативтік және нұсқаушы орган болып табылатын кеңестің мақсаты – Қазақстанда инвестицияға қолайлы жағдайлар жасау және инвестициялық ахуалды нығайту, Қазақстанның ғаламдық экономикаға кірігуіне түрткі болу.
ҚР президентінің жанындағы шетелдік инвесторлар кеңесінің 14- мәжілісі 2005-жылдың 25-қарашасында Алматыда өтті. Мәжіліс Қазақстанның Дүниежүзілік сауда ұйымына мүшелікке өту мәселесіне арналды.
