Марафон кезінде World Class директоры Уәлихан Тен қатысушылардың көңілін көтерді. Осы кезде ол аяқ астынан махаббат және ғашықтар туралы әңгіме бастап кетті.
Мұнан кейін Уәлихан Тен жарысқа қатысушы жас жігітті сахнаға шақырды. Жас жігіт алматылықтарды спорт меркесімен құттықтап, сүйіктісі Дианадан сахнаға көтерілуін сұрады.
Бойжеткен сахнаға көтерлігеннен кейін, жігіт өз ғашығына көңілін білдірді. Ол қалтасынан сақина алып шығып, сүйіктісіне тұрмысқа шығу туралы ұсыныс жасады. Өз кезегінде бойжеткен жігіттің ұсынысын қабыл алды.
Естеріңізге сала кетсек, оңтүстік астанада «Алматы-марафон» шарасы өтіп жатыр. Дәстүрлі мереке биыл жетінші мәрте өтуде. Марафонға 3 , 10, 21 және 42,2 шақырым қашықтық бойынша 14 мың адам қатысты.