Ақтөбе. 20 қыркүйек. "Қазақстан Бүгін" - Ақтөбе облыстық әкімшілігі арнаулы топқа жататын адамдардың арасында иммунизация науқанын жүргізу үшін тұмауға қарсы вакцинаның ірі партиясын сатып алып, жеткізуге бюджеттен 10 млн теңге бөлді. Бұл туралы бүгін агенттік тілшісіне облыстық мемлекеттік санитарлық-эпидемилогиялық қадағалау департаментінің эпидемилогиялық бөлімінің бастығы Клара Омарова хабарлады.
К. Омарованың айтуынша, «Нидерландыда өндірілген препараттар облыстық бюджет есебінен стып алынған. Бұл өткен жылғы науқан кезінде бөлінген қаржыдан 3 млн теңгеге артық. Бұл ретте вакцинаның әрбір дозасына 1,6 мың теңгеден жұмсалды», — деді ол.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті