Жарияланды: 230

Ақтөбе облысында пәтерден шыққан өрттен екі бала қаза болды

Ақтөбе облысында пәтерден шыққан өрттен екі бала қаза болды

Өрт жиырма минутта сөндірілгенімен, оқиға қайғылы жағдаймен аяқталады. 

Ақтөбе облысының Хромтау ауданында көпқабатты үйден өрт шығып, екі баланың мүрдесі табылды, деп хабарлайды Aktobenews.kz тілшісі.

Көпқабатты үйлердің бірінде өрт шығып, тұрғындары жедел хабар берді. Өрт сөндірушілерден жеті адам және 2 техника жұмылдырылды. Пәтердің 10 шаршы метрі жанып кеткен. Бар болғаны 20 минутта өрт сөндірілді. Бірақ оқиға қайғылы аяқталды.

«Өрттен соң оқиға орнынан 4 және 9 жастағы екі бала табылды. Полиция қызметкерлері мен жедел жәрдем де болды. Өрт оқиғасы барысында 20 адам қауіпсіз аймаққа көшіріліп, 10 адам құтқарылды», — деп хабарлады Ақтөбе облыстық ТЖД баспасөз қызметі.

Айта кетейік, апалы-сіңлілі екі азаматшаның балалары қаза болған. Қазір өрттің неден шыққаны анықталып жатыр.

Пікір қалдырыңыз

Пікір қалдыру тіркелген пайдаланушылар ғана мүмкін