«Ақтөбе стансасындағы ЖІІБ қызметкерлері жедел-іздестіру шаралары кезінде темір жол вокзалында 20 жастағы Ресей Федерациясының азаматын ұстады. Ол 4 мың теңгеге травматикалық қару сатпақ болған», — делінген хабарламада.
Ұсталған ер адам Қазақстанда тұратын туыстарында қонақта болғанын айтқан.
Қазіргі уақытта айғақ заттар тәркіленді. Сот-баллистикалық сараптама тағайындалды.
Аталған факт ҚР ҚК 287-бабы 2-бөлігі бойынша Ақтөбе стансасындағы ЖІІБ сот алдындағы тергеудің біріңғай реестрінде тіркелді.
Тергеу амалдары жүргізіліп жатыр.