«Келіншекті желілік полиция қызметкерлері алып келді. Төрт баласы бар екен. Екі күн вокзалда түнеген. Теміржолдағы полиция қызметкерлері келіншекті вокзалдан қуып жіберген. Әйел «баратын жерім жоқ» деп қайтып келеді екен. Үлкен баласы 6 сыныпта оқиды, кішісі төрт айлық. Қазір бізде тұрып жатыр. Жолдасы сабап, кетіп қалған. Әйел балаларымен баратын жер таппай қиналған»,—дейді «Малика» дағдарыс орталығының директоры Гүлбадан Даут. Бұл туралы aktobenews.kz агенттігі хабарлайды.
Әкімдіктің қолдауымен ашылған дағдарыс орталығында тұрмыстық зорлық көрген 20-ға жуық келіншек тұрып жатыр.
«Бізге ешқандай жұмысы, құжаты жоқ келіншектер де келеді. Олардың балаларын балабақшаға, өздерін жұмыспен қамтамасыз етеміз. Біздің жұмысымызға әкімдік қызметкерлері көп қолдау көрсетеді», — дейді Гүлбадан Даут.
