АСТАНА. 11-сәуір. Kazakhstan Today. ҚР қорғаныс министрі Даниал Ахметов таяу уақыттарда әскери-технологиялық бағытта Түркия мен Қазақстанның бірлескен кәсіпорнын құру туралы мәселені талқылауды жоспарлап отыр. Бұл туралы бүгін Қазақстан Республикасында тіркелген әскери-дипломатиялық корпус өкілдеріне арналған брифинг барысында қорғаныс министрі Даниал Ахметов мәлім етті, деп хабарлайды Kazakhstan Today агенттігінің тілшісі.
«Таяу уақыттарда біз Түркияда әскери-технологиялық бағыттағы ынтымақтастық, еліміздің Қарулы күштерін жаңалау, сондай-ақ, әскери-технологиялық мақсаттағы ойларымызды жүзеге асыруға мүмкіндік беретін кәсіпорындар құру мәселесін талқылайтын боламыз»,- деді Д.Ахметов. «Бұл біздің айрықша қызығушылығымызды тудырып отыр»,- деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті