Қос команданың қай ұтқаны Еуропа Чемпиондар лигасының 2017-2018 маусымында топтық кезеңде өнер көрсететін болады.
Айта кетейік, плей-офф кезеңіне дейін елордалық футболшылар алдымен латвиялық "Спартактан" басым түссе, артынша польшалық "Легияны" жеңді. "Селтик" болса іріктеудің бірінші кезеңінде "Линфилд" командасын (Солтүстік Ирландия) 2:0, 4:0 есебімен, "Русенборгты" (Норвегия) 0:0, 1:0 есебімен тізе бүктірді.
Еске салайық, Чемпиондар лигасының бұған дейінгі маусымында "Селтик" "Астананы" іріктеу кезеңінің үшінші айналымында сан соқтырған болатын. Қос команда арасындағы алғашқы матч 1:1 есебімен аяқталса, Глазгода өткен қарымта ойында шотландиялық клуб 2:1 есебімен жеңіске жетті.