Жарияланды: 40

Астанада екіқабатты автобустар үш күн бойы тегін жүреді

Астанада екіқабатты автобустар үш күн бойы тегін жүреді

Экскурсиялық автобустар 29, 30 маусым және 1 шілде күндері тегін қатынайды

Астана тұрғындары мен қонақтары ертеңнен бастап үш күн бойы екіқабатты экскурсиялық автобустармен тегін саяхаттайды.

"Рухани жаңғыру" бағдарламасы аясында және Астананың 20 жылдығына орай, 29, 30 маусым және 1 шілде күндері елорда тұрғындары мен қонақтары "Red Bus" автобустарымен Астананың сол жағалауын тегін аралайды.

"Экскурсия "AiLand" (океанариум) ойын-сауық орталығы мен "Hilton Astana" қонақ үйінен басталады. Экскурсия автобус ішіндегі дыбыс күшейткіштер арқылы қазақ және орыс тілдеріндегі аудиогидтер көмегімен жүзеге асырылады (бір рейс – қазақ тілінде, екінші рейс – орыс тілінде жүргізіледі)", — делінген елорда әкімдігінің ресмисайтында.

Экскурсияны тек бір тілде тыңдағысы келетіндер өзімен бірге құлаққап алып келуі керек. Серуен кезінде құлаққап берілмейді.

Барлық сұрақтар бойынша call-орталыққа хабарласуға болады: +7 777 555 75 75, 77-90-99.



 

Пікір қалдырыңыз

Пікір қалдыру тіркелген пайдаланушылар ғана мүмкін