Жарияланды: 510

Астанада тауар және қызмет түрлерінің экспортын заңнамалық тұрғыда қамтамасыз ету мәселесіне арналған парламенттік тыңдау басталды

Астанада "Тауар және қызмет түрлерінің экспортын заңнамалық тұрғыда қамтамасыз ету" тақырыбында парламенттік тыңдау басталды,- деп хабарлайды KZ-today тілшісі.

Тыңдауға ҚР энергетика және минералды ресурстар министрі Владимир Школьник, индустрия және сауда министрі Әділбек Жақсыбеков, көлік және коммуникация министрі Қажымұрат Нағманов, Кедендік бақылау агенттігінің төрағасы Бердібек Сапарбаевтар қатысып баяндама жасайды. Сондай-ақ, парламенттік тыңдауға сарапшылар мен республиканың іскерлік өкілдері қатысады деп күтілуде. Сенаттың экономика, қаржы және бюджет жөніндегі комитеті тыңдауға арнап дайындаған анықтамалық материалдарда атап көрсетілгеніндей, "тауар және қызмет түрлерін экспорттауда туындап отырған қазіргі қиындықтарды еңсеру үшін құрылымдық өзгерістерді қамтамасыз етіп, берік заңдық база қалыптастыру арқылы мемлекет тұрғысынан қолдауға бағытталған кешенді шараларды жүзеге асыру қажет" делінген.

Пікір қалдырыңыз

Пікір қалдыру тіркелген пайдаланушылар ғана мүмкін