Бүгін соңғы процесте Мақсат Шыңғысов өзін салқынқанды ұстады. Жәбірленуші тараппен келісімге келіп жазадан құтылуды аңсаған прокурор енді 3 жылын темір торда өткізуі тиіс. Үкім оқылған соң, осыған дейін қолхатпен үйінде болған 24 жастағы жігітке сот залында кісен салынды.
Астанадағы аудандық прокурордың көмекшісінің карьерасына қара дақ түсірген қаңтар айындағы жол апаты еді. Мақсат Шыңғысов көлігімен 70 жастағы қарияны қағып өлтіріп артына бұрылып қарауға да шамасы келмей,оқиға орнынан қашып кеткен. Онысын қатты шошынғанымен түсіндіріп отыр. Ал қансырап далада ұзақ жатып қалған теміржол саласының ардагері сол жерде көз жұмды. Марқұмның туыстары, зардап шегушіге шұғыл дәрігерлерік көмек көрсетілгенде аман алып қалуға болар еді дейді.
Рауза Жамалиева, марқұм Ж. Ақпановтың жесірі:
— Мен өз күйеуімді ақшаға сатқан жоқпын. Олар бізге келді: «ақша берейік», «келісімге келейік» деп. Оны істеген жоқпыз. Әділділеттілік үшін істедім. Басқаларға сабақ болсын. Адамды басып жол үстінде тастап кетпейтіндей болсын.
Бірақ 3 жыл жазаны жұмсақ деп отыр. Ал прокурордың туыстары керісінше, үкімнің тым қаталдығына наразы. Ақыры екі жақ, бүгін сөзге келіп қалды.
— Ол да біреудің ұлы. Түсінесіз бе, ұлы. Бұлай болмайды.
—Ол қылмыс жасады ғой? Енді жауап берсін.
Жалпы, 2 айға созылған отырыс барысында прокурор кінәсін мойындап зейнеткерді көлігімен қасақана қақпағанын айтып кешірім де, сұраған. Оның үстіне марқұмның қанынан алькоголь анықталды деп отыр.
Сәния Ибраева, М.Шыңғысовтың әпкесі:
— Ол кісі сәл ішкен. Медициналықэкспертизада бар. Өмірде неше түрлі жағдай болады ғой. Кішкене адамгершілігін көрсетсе деп едік. Біз ойладық түсінеді ғой бұлар деп. Баланың өміріне балта шапты да қойды.
-Ал 24 жастағы Мақсат Шыңғысов түрмеден жазасын өтеп шыққанының өзінде прокуратурадағы қызметіне кайта оралуы екіталай. Бірақ, үкіммен келіспеген прокурор апелляциялық арыз азбақ. Оған 15 тәулігі бар. Осы уақытқа дейін изоляторда болады. Ал шағымы қанағаттандырылмаған жағдайда, бірден абақтыға тоғытылмақ.