Астана-Шучинск ақылы жолында 1,5 млрд теңге жиналды

2018 жылдың қортындысы бойынша Астана-Шучинск ақылы жолында 1 млрд 539 млн теңге жиналды. Бұл қаражат жолдың ақылы бөлігін жөндеуге және төлем жүйесін қайта жаңғыртуға жұмсалады. Бұл туралы «ҚазАвтоЖол» ҰК баспасөз қызметі хабарлады.

2018 жылы осы жолмен 2 809 993 көлік жүріп өткен, бұл 2017 жылмен салыстырғанда 1,9% жоғары. Алдын ала төлеу қаражаты 116,6% өскен.
Бір жыл ішінде алдын ала төлем бойынша 139 611 транзакция жасалған, бұл 2017 жылға қарағанда 3 есе көп. Алдын ала төлем жасау бойынша QIWI, «Касса24», Киберплат, Tenge, интернет-банкинг Каспий банк, Сбербанк, АТФБанк, Halyk Bank сервис payway.kz, kaztoll, Е100 жанармай картасы, NFC технологиясы сияқты төлем терминалдары жұмыс істеп тұр.
Жол бойындағы сервисті жақсарту үшін 2018 жылы KazWay қызметінің 5 павильоны орнатылып, кәсіпкерлерге жалға берілген.