Жарияланды: 30

Атыраулық дәрігерлер арыздарын алмай отыр

Атыраулық дәрігерлер арыздарын алмай отыр

Атырау облыстық перинаталдық орталығы дәрігерлері арыздарын қайтып алмаймыз деп отыр. Басшылардың жүргізген келіссөздері айтарлықтай нәтиже бермей жатыр.

ҚР Денсаулық сақтау министрлігі, денсаулық сақтау басқармасы, кәсіподақ өкілдері жүргізіп жатқан түсіндірме жұмыстарынан кейін 30-дан астам дәрігердің тек екеуі арыздарын қайтарып алған. Өзгелері ойларын өзгертпей отыр. Дегенмен қазір қызметтік міндеттерін атқарып жатыр. Олардың басты талабы жұмыс жасауға жағдай жасалып, тексерістерді тоқтату екен.

"Мен жұмыс жасағым келеді. Бірақ болашағымнан қорқамын. Екі кішкентай қызым бар, егер мен де әріптестерімдей қиын жағдайға тап болсам, балаларыма не болады?! Қазіргі таңда бізде маманның жоқтығынан гинекология бөлімшесінде жұмыс тоқтатылды. Перзентханадағы ең білікті мамандардан айырылып жатырмыз», - дейді Атырау облыстық перинаталдық орталығының акушер-гинекологы Жұлдыз Ахметова

Атырау облыстық денсаулық сақтау басқармасындағылар перинаталдық орталықтағы дәрігерлердің жұмыс орындарында қалуы үшін бар күштерін салуда.

Пікір қалдырыңыз

Пікір қалдыру тіркелген пайдаланушылар ғана мүмкін