Мұхтар Әуезовтің "Көксерек" әңгімесінің желісімен мультфильм түсірілді. Салтан Сайранұлы есімді желі қолданушысы фейсбук парақшасында осындай жаңалықпен бөлісті.
Бұл туралы Caravan.kz хабарлайды.
Мультфильм жаңадан құрылған KADAM студиясының алғашқы туындысы екен. Жазба авторы: "Мультфильм керемет шыққан. Жігіттердің «Warner bros», «Walt Disney Pictures», «Pixar» секілді студиялардың ізін басып келе жатқан жас буындар екеніне көзім жетті. Өте талантты, шебер, өнерлі. Бұл жігіттер әлі университет студенттері. Бірақ шығармалары қаншама жылдық тәжірибесі бар шеберлерден асып түспесе, кем түспейді", — деген пікір қалдырады. Сонымен қатар, балаларға үлкен тәлім-тәрбие беретін бұл мультфильмді «Балапан», тіпті «Қазақстан» ұлттық телеарнасынан көрсетуге тұрарлық екенін сөз етеді.
