Канададағы MacEwan University ғалымдары балықтың тамақтанған жерін 12 күн бойы есінде сақтай алатынын дәлелдеп берді.
Әңгіменің ұзынырғасы былай: зерттеушілер балықтарды арнайы аквариумда тек белгілі бір жерде ғана тамақтандырып отырған. Үш күннен соң олар басқа жерге ауыстырылып, 12 күн өткен соң алғашқы орынына қайта әкелінген және арнайы камера арқылы балықтарды бақылап отырған. Арада қанша уақыт өтсе де, қай жерде тамақтанатындарын ұмытпаған олар көп уақытын жем тасталатын орында өткізіпті.
Ғалымдар балықтардың бұл әрекетін олардың есте сақтау қабілетімен байланыстырады. Яғни, бұған дейін балық 30 секунд ішіндегі оқиғаны ғана есінде ұстай алады деген пікір теріске шығарылып отыр.