Жарияланды: 8700

"Бауыржан Момышұлы 4 күн бойы жерленбей жатып қалған": Зейнеп Ахметова жарияланбаған шындықты айтты (ВИДЕО)

"Бауыржан Момышұлы 4 күн бойы жерленбей жатып қалған": Зейнеп Ахметова жарияланбаған шындықты айтты (ВИДЕО)

Кеңес батыры Бауыржан Момышұлы туралы ел естімеген шындық ашылды.

Бұл туралы батырдың келіні, жазушы Зейнеп Ахметова "Зейнеп апаның әңгімелері" бағдарламасында айтып берді, - деп хабарлайды Caravan.kz медиа порталы хабарлайды.

"Қазақстанның Ресейге өз еркімен қосылғанының 250 жылдығы өтіп жатқан кезде атам қайтыс болды. Қосылсаңдар қосылыңдар, мен кеттім дегендей. Соныменен атамыз 4 күн жатты жерленбей. Өйткені, тойдың кезі болатын. 250 жылдық өткен күннің ертесіне РСФСР әдебиеті мен мәдениеті күндері басталды. Бүкіл орыстар көшіп келді, атақтыларының бәрі келді Алматыға. Сондай кезде атаны шығарып сала алмады. Өйткені, халық келеді, жиналады. Құдай басқа салмасын, әлі күнге дейін ойласам жүрегім сыздап кетеді", - деді Зейнеп Ахметова.

"Бізді араластырмайды, бізге рұқсат етпейді. Ол Совет Одағының кезі. Қазір болса әй, кет ары дейміз ғой. Ал ол кезде өйте алмайсың. Сөйтіп төртінші күні ғана ата жерленді. Бірінші Кеңсай деп аталатын жерде жоғары жағына төбеге ата жалғыз қойылды",- деді жазушы. 

Ал жерленген күні Алматының ауа райы да тосын мінез танытыпты.

"Жерлейтін кезде әскери адам болған соң солдаттар аспанға оқ атты. Үш мәрте. Сосын атаны жерге түсіретін кезде аспанды аяқ асты қара бұл торлап, найзағай ойнап жауын жауды де кетті. Біреулер бұл оқ атқаннан болды дейді. Ал меніңше бұл табиғатың бір тылсым күші ма, Алла тағаланың атаны осынша күн жатқызып қорлағанына кейігені ма, ренжігені ма түсіну қиын",- деді Зейнеп Ахметова. 

Естеріңізге сала кетейік, Бауыржан Момышұлы 1982 жылдың 10 маусымында 71 жасында өмірден өткен болатын.

ВИДЕО мына сілтемеде: https://www.facebook.com/100072788664500/videos/973418893530793

Пікір қалдырыңыз

Пікір қалдыру тіркелген пайдаланушылар ғана мүмкін