Жарияланды: 60

Бензин мен дизель құны арзандады

Бензин мен дизель құны арзандады

Мемлекетте қазіргі қалыптасқан экономикалық ахуалға байланысты Қазақстан Республикасы президентінің халыққа жасаған жолдауы аясында  2020 жылдың 1 сәуірінде "ҚазМұнайГаз" жанармай құю бекеттері желісін басқаратын "PetroRetail" компаниясы АИ-92 маркалы бензиннің және дизель отынының құнын 10 теңгеге дейін арзандатты.

Бұл туралы Caravan.kz медиа-порталы BAQ.KZ-ке сілтеме жасап хабарлайды.

"ҚазМұнайГаз" жанармай құю бекеттерінде АИ-92 маркалы бензиннің жекелеп сату бағасы литріне 2-9 теңгеге, дизель отынының литр құны 7-10 теңгеге арзандады. Мәселен, қазіргі таңда Нұр-Сұлтан және Алматы қалаларында АИ-92 150 теңгеден сатылса, дизель отынының құны 183 теңгеге тұрақтады.  Басқа қалалар мен өңірлерде АИ-92 баға ауқымы 150-155 теңгені құрайды. Дизель отынының құны 182-186 теңге аралығында, - делінген хабарламада.

Пікір қалдырыңыз

Пікір қалдыру тіркелген пайдаланушылар ғана мүмкін